धनगढी।युवतीलाई बलात्कार गरेको आरोपमा कैलाली प्रहरीले एक युवकलाई पक्राउ गरेको छ ।

२० वर्षीया युवतीलाई जबरजस्तीकरणी गरेको आरोपमा प्रहरीले डडेल्धुराको अमरगढी नगरपालिका-२ का ३१ वर्षीय सुरेश अवस्थीलाई पक्राउ गरेको हो ।

धनगढी उपमहानगरपालिका-४ मा रहेको सन्जोग होटलमा जबरजस्तीकरणी गरेको भन्ने उजुरी परेपछि प्रहरीले युवकलाई पक्राउ गरेको हो ।

जिल्ला प्रहरी कार्यालयबाट खटेको प्रहरी टोलीले उहाँलाई पक्राउ गरेको प्रवक्ता एवम् प्रहरी नायब उपरीक्षक योगेन्द्र तिमल्सिनाले जानकारी दिए ।

उहाँका अनुसार आरोपितलाई हिरासतमा राखेर थप अनुसन्धानको कार्य भइरहेको  छ ।