काठमाडौँ। दुई तिहाईको शक्तिशाली बालेन सरकारले संसद् छलेर अध्यादेश ल्याएपछि राष्ट्रिय प्रजातन्त्र पार्टीकी सांसद खुश्बु ओलीले कडा शब्दमा विरोध गरेकी छन् ।

संसद् हुँदाहुँदै बालेन सरकारले अध्यादेश ल्याउँदा निकै आक्रोशित बनेकी उनले भनेकी छन्, ‘संसद हुँदाहुँदै अध्ययादेशमार्फत अघि बढ्नु संसदीय अभ्यासमाथिको गम्भीर हमला हो।’

उनले बालेन सरकारलाई संसद् छलेर अध्ययादेशको बाटो रोज्नुपर्ने कारण के हो भन्दै सोधेकी छन ।

संसद् निष्क्रिय पारेर अध्यादेश ल्याउन सक्रिय बालेन सरकारको विरोध गर्दै उनले बालेन सरकार ठीक बाटोमा नहिँडेको बताएकी छन् ।

यसअघि राष्ट्रपतिबाट आह्वान भइसकेको संसद् बैठक बालेन सरकारले स्थगित गरेको थियो । संसद् स्थगन गरेर अध्यादेशबाट शासन चलाउन खोज्ने बालेन सरकारको नियत सफा नभएको भन्दै चौतर्फी विरोध भएको छ । बालेन सरकारले संवैधानिक परिषद् र सहकारीसम्बन्धी दुई अध्यादेश ल्याउने निर्णय सोमबार नै गरिसकेको छ ।