काठमाडौं। सरकारले नेपाल कार्बन प्राधिकरण गठन गर्ने घोषणा गरेको छ ।

संघीय संसद्को संयुक्त बैठकमा आर्थिक वर्ष २०८३/८४ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले यस्तो जानकारी दिएका हुन् ।

नीति तथा कार्यक्रममा नेपाल कार्बन प्राधिकरण गठन गरी रेडप्लस कार्यक्रम विस्तार गरिने उल्लेख गरिएको छ । साथै सामुदायिक वनलाई कार्बन क्रेडिटबाट प्रत्यक्ष लाभ सुनिश्चित गरिने सरकारको योजना छ ।

त्यस्तै सरकारले नीतिगत सुधारमार्फत भवन निर्माण तथा उद्योग क्षेत्रमा स्वदेशी काठको प्रयोगलाई प्रोत्साहन गर्ने घोषणा पनि गरेको छ ।