काठमाडौं। रोल्पामा बोलेरो जीप दुर्घटना हुँदा तीन जनाको मृत्यु भएको छ।

नेपाल प्रहरीका अनुसार माडी गाउँपालिका–२ घर्तिगाउँस्थित सहिद मार्गअन्तर्गत कालापहर क्षेत्रमा आज बिहान अस्थायी नम्बर प्लेट एमएच१४टीसीजे ४७१ भएको बोलेरो सडकबाट खसेर दुर्घटना भएको हो।

दुर्घटनास्थलबाट हालसम्म नाम, थर र वतन नखुलेका दुई पुरुष र एक महिलाको शव फेला परेको प्रहरीले जनाएको छ।

जस्तापाता तथा प्लास्टिकका पाइप बोकेको उक्त गाडी दुर्घटनापछि प्रहरी टोली घटनास्थलमा पुगेर उद्धार तथा थप अनुसन्धानको काम गरिरहेको छ।

घटनाबारे विस्तृत विवरण आउन बाँकी रहेको प्रहरीले जनाएको छ।