काठमाडौं। नेपाल माइक्रो इन्स्योरेन्सले विभिन्न पदमा ठूलो संख्यामा कर्मचारी माग गरेको छ। कम्पनीले आफ्नो केन्द्रीय कार्यालय भरतपुर, चितवनका साथै काठमाडौं र विभिन्न प्रादेशिक कार्यालयका लागि कर्मचारी माग गर्दै आवेदन खुलाएको हो।

कम्पनीले मुख्य बजार अधिकृत (सीएमओ), मुख्य वित्तीय अधिकृत (सीएफओ), पाँच जना प्रदेश प्रमुख (मार्केटिङ), बजार प्रतिनिधि तथा सूचना प्रविधि विभागका लागि सहायक पदमा कर्मचारी माग गरेको जनाएको छ।

सम्बन्धित शैक्षिक योग्यता हासिल गरेका तथा बीमा, बैंकिङ वा वित्तीय क्षेत्रमा अनुभव भएका उम्मेदवारलाई प्राथमिकता दिइने कम्पनीले जनाएको छ। बजार प्रतिनिधि पदका लागि भने हालै स्नातक तह उत्तीर्ण गरेका उम्मेदवारले समेत आवेदन दिन सक्नेछन्।

इच्छुक उम्मेदवारले सूचना प्रकाशित भएको मितिले १५ दिनभित्र आफ्नो बायोडाटा, आवेदनपत्र, फोटो लगायत आवश्यक कागजात कम्पनीको आधिकारिक इमेल [email protected] मा पठाउनुपर्नेछ।
कम्पनीका अनुसार प्रारम्भिक छनोटमा परेका उम्मेदवारलाई मात्र आगामी छनोट प्रक्रियामा सहभागी गराइनेछ।