काठमाडौं । मलेसियामा अगस्ट २९ देखि सुरु हुने एसीसी पुरुष प्रिमियर कप क्रिकेट प्रतियोगितामा सहभागी हुने नेपाली राष्ट्रिय क्रिकेट टोलीको बिदाइ गरिएको छ।

सन्दीप लामिछानेको कप्तानीमा रहेको नेपाली टोली प्रतियोगिताको तयारीका लागि शुक्रबार भारत प्रस्थान गर्नेछ। टोलीले भारतमा १० दिन प्रशिक्षण तथा अभ्यास खेलमार्फत तयारी गर्नेछ।

भारतमा तयारी पूरा गरेपछि नेपाली टोली त्यहीँबाट मलेसिया प्रस्थान गर्ने तालिका रहेको छ। प्रतियोगितामा नेपालले एसोसिएट क्रिकेटका अन्य टोलीसँग प्रतिस्पर्धा गर्नेछ।

प्रतियोगितालाई आगामी अन्तर्राष्ट्रिय खेलका लागि महत्वपूर्ण तयारीका रूपमा समेत हेरिएको छ।

नेपाली टोलीले भारतमा रहँदा आफ्नो ब्याटिङ, बलिङ तथा फिल्डिङमा विशेष तयारी गर्ने जनाएको छ।

तस्वीरहरू: