युक्रेनले रूससँगको युद्धका लागि सैनिक भर्ना उमेर घटाउने महत्त्वपूर्ण सहयोगी संयुक्त राज्य अमेरिकाको आह्वान अस्वीकार गर्ने निर्णय गरेको छ ।

फ्रन्टलाइनमा जनशक्तिको अभावलाई कम गर्न वासिङ्टनले किएभलाई वर्तमान २५ को सट्टा १८ वर्षको उमेरबाट पुरुषहरूलाई भर्ना गर्ने विचार गर्न दबाब दिइरहेको छ ।

“हाम्रो स्थिति सकेसम्म पारदर्शी छ, हामी परिचालन उमेर घटाउने छैनौँ”, नाम नछाप्ने सर्तमा बोल्दै एक अधिकारीले भने ।

परिचालन युक्रेनभित्र निकै संवेदनशील विषय हो ।

सैनिक भर्तीकर्ताहरूले किएभका प्रमुख सहरका सडकहरूमा सर्वेक्षण गरी होटल र बारहरूमा छापा मारेर युद्धका लागि योग्य पुरुषहरूले सैन्य अधिकारीहरूमा दर्ता गरेका छन् वा छैनन् जाँच गर्दछन् ।

युक्रेनी राष्ट्रपति भोलोदिमर जेलेन्स्कीले यस वर्ष पुरुषहरूलाई २७ बाट २५ पार्नुभयो तर अझै उमेर घटाउने अनुरोधलाई अस्वीकार गरिरहनुभएको छ ।

गत महिना अमेरिकी राष्ट्रिय सुरक्षा सल्लाहकार जेक सुलिभानले युक्रेनले ‘हाम्रो विचारमा फ्रन्टलाइनमा रहेको सेनाको सङ्ख्याको सन्दर्भमा आफ्नो लाइनलाई बलियो बनाउन अझ बढी गर्न आवश्यक छ’ भन्नुभएको थियो ।

निवर्तमान अमेरिकी राष्ट्रपति जो बाइडेन प्रशासनका एक वरिष्ठ अधिकारीले नोभेम्बरमा युक्रेनले ‘अस्तित्वगत’ भर्ती सङ्कटको सामना गरिरहेको बताएका थिए ।

वासिङ्टनले अनिवार्य भर्नाका लागि उपयुक्त न्यूनतम उमेरलाई के मान्दछ भनेर सोधिएको प्रश्नमा अधिकारीले जवाफ दिए, “हामीलाई लाग्छ कि भर्तीको उमेरलाई १८ मा घटाउने विचार गर्दा अमेरिकी मापदण्ड अनुरूप उनीहरूको वास्तविक मूल्य देख्छौँ” ।

यसको सट्टा किएभले पश्चिमलाई रुसी आक्रमण विरुद्ध रक्षा गर्न अझ बढी र राम्रो हतियारहरू दिन दबाब दिइरहेको छ ।

“सेना प्राविधिक रूपमा उन्नत हुनुपर्छ र पर्याप्त हतियारहरू हुनुपर्छ । हामी युवाहरूको कमी वा हतियारको सीमितताको क्षतिपूर्ति गर्नेछैनौँ”, वासिङ्टनले हतियार आपूर्तिमा ढिलाइलाई लिएर ‘युक्रेनमा जिम्मेवारी सार्ने’ प्रयास गरिरहेको आरोप लगाउँदै युक्रेनी अधिकारीले भने, “यो पहिलो विश्वयुद्ध होइन, तर एक आधुनिक प्राविधिक युद्ध हो ।”

जनवरीमा अमेरिकी राष्ट्रपति–निर्वाचित डोनाल्ड ट्रम्पले पदभार ग्रहण गर्नुअघि रुसी सेनाले पूर्वी मोर्चामा आक्रमण बढाउने र दुवै पक्षले माथिल्लो हात सुरक्षित गर्ने प्रयास गर्दा बहस सुरु भएको छ ।