करिब दुई सय जातीय कारेन मानिसहरू जातीय करेन मानिसहरू म्यान्मामा भएको लडाईंबाट भागेर थाइल्यान्डको सीमा पार गरेको थाई सीमा अधिकारीहरूले शनिबार बताएका छन् ।

थाइल्यान्डको सिमानामा रहेको म्यान्माको पूर्वी करेन राज्यमा स्थानीय जातीय मिलिसियाहरू सन् २०२१ को विद्रोहमा सत्ता कब्जा गर्ने सैन्य जुन्तासँग लडिरहेका छन् ।

म्यान्मामा चार वर्षको द्वन्द्वले ठूलो विस्थापनलाई उत्प्रेरित गरेको छ । द्वन्द्वले दशौँ हजारलाई सीमा पार गरेर छिमेकी थाइल्यान्डमा पुर्‍याएको छ ।

म्यान्माको सीमाबाट केही किलोमिटर टाढा बम विस्फोट र नागरिक अशान्तिका कारण शुक्रबार र शनिबार करिब दुई सय जातीय कारेन मानिस थाइल्यान्डतर्फ भागेको थाई सेनाको नरेसुआन फोर्स सीमा एकाइका कमान्डर मेजर जनरल मैत्री चुप्रिचाले बताउनुभयो ।

उहाँका अनुसार त्यहाँ रहेका मानिसहरू सैन्य फौजलाई लक्षित गरी गरिएको ड्रोन बम आक्रमणबाट डराएका थिए । केहीलाई मोई सीमा नदी पार गरेर टाक प्रान्तमा लगिएको थियो ।

“लगभग दुई सय जना… हिजो दिउँसोदेखि आउन सुरु गरेका थिए”, तिनीहरू जातीय कारेन मानिस रहेको उल्लेख गर्दै उहाँले भन्नुभयो ।

उहाँले पार गर्नेहरूलाई रत्चामानु टास्क फोर्सले अस्थायी आश्रयमा राखेको जानकारी दिनुभयो । उहाँको भनाइलाई थाई सेना एकाइको आधिकारिक फेसबुक पृष्ठमा एक पोस्टले पुष्टि गरेको छ ।

मैत्रीले थाइल्यान्डमा थप मानिसहरू प्रवेश गर्न सक्ने र सुरक्षा सुधार भएपछि अधिकारीहरूले उनीहरूलाई फिर्ता गर्न चाहेको चेतावनी दिनुभयो ।

मार्च २८ मा मध्य म्यान्मामा सात दशमलव सात म्याग्निच्युडको भूकम्प आएपछि तीन हजार सात सयभन्दा बढी मानिस मारिएपछि जुन्ता र धेरै विपक्षी समूहले राहत प्रयासलाई सहज बनाउन युद्धविरामको घोषणा गरेका थिए ।

यद्यपि म्यान्माका बासिन्दाहरूले यस हप्ता पश्चिमी थाइल्यान्डको सीमावर्ती सहर माई सोट जाने प्रमुख राजमार्गमा कारेन सहरहरूमा लडाइँ भइरहेको बताएका छन् ।