पोखरा । कास्की जिल्लामा साबिक नेकपा (एकीकृत समाजवादी) लगायत विभिन्न राजनीतिक दल परित्याग गरी ३ सयभन्दा बढी नेता–कार्यकर्ता नेकपा (एमाले) मा समाहित भएका छन्।

एमालेको ‘फर्क अभियान’ अन्तर्गत पार्टी प्रवेश गर्नेहरूमा साबिक समाजवादी कास्की जिल्ला कमिटीका उपाध्यक्ष झपिन्द्रराज रेग्मी, शिवराज आचार्यसहितका नेता–कार्यकर्ता रहेका छन्।

एमालेमा समाहित भएका सम्पूर्ण नेता–कार्यकर्तालाई नेकपा (एमाले) केन्द्रीय कमिटी सदस्य तथा गण्डकी प्रदेश इन्चार्ज खगराज अधिकारी, प्रदेश कमिटी अध्यक्ष नवराज शर्मा, कास्की इन्चार्ज कृष्ण थापा लगायतका नेताहरूले स्वागत गरेका थिए।

एमाले कास्कीका कार्यवाहक अध्यक्ष भेषराज बरालको अध्यक्षतामा सम्पन्न कार्यक्रमको सञ्चालन पार्टी सचिव दर्शन लामाले गरेका थिए।