चीनमा पटाका विस्फोट हुँदा पाँच दिनमै २० जनाको मृत्यु, केही सहरमा प्रतिबन्ध
Nepal One HD ७ फागुन २०८२ १२:४७
काठमाडौं । चीनमा आतसबाजी र पटाका पसलमा विस्फोट हुँदा १२ जनाको मृत्यु भएको छ ।
मृत्यु हुनेमा पाँच जना बालबालिकासमेत छन् । चन्द्र पात्रोअनुसारको नयाँ वर्षको उल्लासबीच यो घटना मध्य हुबेई प्रान्तको जिनपु गाउँमा बुधबार दिउँसो भएको हो ।
राज्य प्रसारणकर्ता चाइना सेन्ट्रल टेलिभिजन (सीसीटीभी)ले बिहीबार अधिकारीहरूलाई उदृत गर्दै १२ जनाको मृत्यु पुष्टि भएको जनाएको हो । मृतकमध्ये सात जना वयस्क छन् ।
रिपोर्टअनुसार मृतक पसलका मालिक ‘मिस्टर लिन’बाहेक बाँकी ११ जना आतसबाजी खरिद गर्न आएका ग्राहक थिए ।
नयाँ वर्षका अवसरमा चीनको ग्रामीण क्षेत्रमा आतसबाजी र पटाखा पड्काउने परम्परा लोकप्रिय छ । त्यसले सुरक्षा जोखिम बढाएको भन्दै केही सहरमा प्रतिबन्ध लगाएका छन् ।
गत आइतबार पूर्वी जियाङ्सु प्रान्तको एक आतसबाजी पसलमा भएको विस्फोटमा आठ जनाको मृत्यु भएको थियो भने दुई जना घाइते भएका थिए ।
