काठमाडौं -धादिङमा आज बिहान बस दुर्घटना हुँदा मृत्यु हुनेको संख्या १८ जना पुगेको छ । पोखराबाट काठमाडौँतर्फ यात्रा गरेको यात्रुबाहक बस धादिङको भैंसीगौडास्थित पृथ्बी राजमार्गमा मध्यराति दुर्घटनामा परेर दुई विदेशीसहित १८ जनाको मृत्यु भएको हो ।

उक्त दुर्घटनाप्रति नेकपा एमालेका अध्यक्ष केपी शर्मा ओलीले दुख व्यक्त गरेका छन् ।

उनले सामाजिक सञ्जालमा दुख व्यक्त गर्दै भनेका छन् – पोखराबाट काठमाडौँतर्फ यात्रा गरेको यात्रुबाहक बस धादिङको भैंसीगौडास्थित पृथ्बी राजमार्गमा मध्यराति दुर्घटनामा परेर १७ जनाको ज्यान गएको खबरले मर्माहत बनाएको छ । दुर्घटनामा जीवन गुमाउनु भएका यात्रुहरुप्रति श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु। घाइते सबैको शीघ्र स्वास्थ्यलाभको कामना गर्दछु।