काठमाडाैं। नेपाली कांग्रेसका निवर्तमान सभापति शेरबहादुर देउवाप्रति कांग्रेस सांसद गीता गुरुङले सँधै उच्च सम्मान रहने बताएकी छन् ।

हङकङबाट स्वदेश फर्किनुअघि देउवासँग विगतमा खिचेका तस्बिरहरु सामाजिक सञ्चालमा साझा गर्दै गुरुङले देउवालाई राजनीतिमा प्रेरणाकाे स्राेतकाे रुपमा पनि मानेकी छन् ।

देउवालाई मातृभूमिमा न्यायाे स्वागत भन्दै उनले उनकाे स्वास्थ्य र दीर्घजीवनकाे कामना गरिन् ।

कर्णाली, दलित, महिला, जनजाति र मधेशी अर्थात् ‘कदमजम’का प्रणेता देउवालाई लोकतान्त्रिक आन्दोलनका अथक योद्धा र समावेशी लोकतन्त्रका अभियन्ताका रूपमा चित्रित गर्दै सांसद गुरुङले नेपालको राजनीतिक इतिहासमा उनले पुर्‍याएकाे योगदान सदा अविस्मरणीय रहने बताइन् ।

इतिहासकाे कालखण्डमा जसले जे भने पनि लोकतन्त्र, सामाजिक न्याय र समावेशिताको यात्रामा उनले दिएकाे योगदानलाई इतिहासले नभुल्ने पनि गुरुङकाे भनाइ छ ।