काठमाडौं। भक्तपुरको बोडेस्थित होल्डिङ सेन्टरमा राखिएका ६० वर्षीय हिरालाल पासवान बुधवार बिहान मृत फेला परेका छन्।

कृषि विकास बैंक तालिम केन्द्रमा बस्दै आएका पासवान हिजो दिउँसोदेखि कोठामै रहेको र बिहान झुण्डिएको अवस्थामा फेला परेको त्यहाँ रहेका सुकुम्बासीले बताएका छन्। घटनापछि प्रहरी टोली सेन्टर पुगेको छ।

सरकारले टहरा हटाएपछि विस्थापित सुकुम्बासीलाई उक्त होल्डिङ सेन्टरमा राखिएको छ।

यसअघि पनि टहरा भत्काइएपछि एक सुकुम्बासीले आत्महत्या गरेका थिए।