काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले ‘ग्रे जोन’ पत्रिकामा प्रकाशित रिपोर्टबारे आफूले अध्ययन नगरेको बताएका छन्।

बुधबार सञ्चारकर्मीले उक्त रिपोर्टबारे धारणा माग्दा लामिछानेले आफूले समाचार नपढेको भन्दै त्यसको विश्वसनीयतामाथि प्रश्न उठाए।

‘तपाईंले कसरी हेर्नुभयो? के रहेछ? कुन पत्रिका रहेछ? कहाँबाट निस्किँदो रहेछ? हो र? मैले त पढेको छैन,’ उनले भने।

लामिछानेले आफूले उक्त पत्रिकामा प्रकाशित विषयलाई महत्व नदिएको संकेत गर्दै त्यस्तो सामग्रीमा समय खर्च गर्नु आवश्यक नरहेको बताए।

‘त्यस्तो काम नभएको पत्रिकाले लेखेको अन्टसन्ट कुरामा समय खेर फाल्ने हो र? थैट!’ उनले भने।