काठमाडौं । सोलुखुम्बुको खुम्बु पासाङल्हामु गाउँपालिका-५ दिङ्बोचेमा रहेको एक होटलमा आगलागी भएको छ।

दिङ्बोचेस्थित होटल गुडलकमा आगलागी भएको जिल्ला प्रहरी कार्यालय सोलुखुम्बुका प्रमुख डीएसपी नवीनराजा बुढाथोकीले जानकारी दिए।

उनका अनुसार प्रारम्भिक जानकारीमा ग्यास पल्टिएर आगलागी भएको खुलेको छ। आगलागीबाट हालसम्म कुनै मानवीय क्षति भएको छैन।

साथै, आगलागी भएपछि प्रहरी तथा स्थानीयको सहयोगमा आगो नियन्त्रणमा लिने प्रयास भइरहेको डीएसपी बुढाथोकीले बताए।