Tag: क्रिकेट

काठमाडौं । नेपाल क्रिकेट संघ (क्यान) अन्तर्गत महिला क्रिकेट विकास समितिको चौंथो बैठक विभिन्न एजेण्डा पारित गर्दै सकिएको छ । समितिका संयोजक प्रदीप मजगैयाँको अध्यक्षतामा बसेको बैठकले महिला क्रिकेटको संरचनागत विकासदेखि अन्तर्राष्ट्रिय प्रतियोगिता तयारीसम्मका विभिन्न महत्वपूर्ण निर्णयहरू गर्दै सम्पूर्ण योजना क्यान समक्ष प्रस्ताव गर्ने निर्णय गरेको छ ।

बैठकले आउँदो ICC Women’s T20 World Cup Global Qualifier का लागि उच्चस्तरीय High Performance Camps, अन्तर्राष्ट्रिय प्रतिस्पर्धा र खेलाडीहरूको सुविधा विस्तार गर्नुपर्नेमा जोड दिएको छ । यस्तै, ICC U–19 Women’s World Cup २०२७ को तयारीलाई लक्षित गर्दै दीर्घकालीन योजना अघि बढाउने निर्णय भएको छ ।

त्यस्तै समितिले तल्लोस्तरमा महिला क्रिकेट विकास कार्यक्रम सञ्चालन गर्ने, यस अन्तर्गत विद्यालय-कलेजस्तरका प्रतियोगिता सञ्चालन, जिल्ला क्रिकेट संघहरूसँग सहकार्यमा घरेलु प्रतियोगिता विस्तार र U–15 Talent Hunt Programme मार्फत नयाँ प्रतिभा पहिचान गर्ने योजना अघि सारिएको छ ।

बैठकले महिला क्रिकेट बिकासको लागि, प्रशिक्षकहरुको ब्यबस्था, महिला क्रिकेट बिकास अधिकृतको ब्यबस्था र बार्षिक क्यालेन्डर समेत निर्माण गरी कार्यन्वयन गर्ने निर्णय गरेको छ । सम्पूर्ण निर्णय नेपाल क्रिकेट संघको बोर्ड बैठकमा अनुमोदन र कार्यान्वयनको लागि पेस गरिने समितिले जानएको छ ।

काठमाडौं । नेपाली क्रिकेट टोलीले अन्ततः युएईको भिसा पाएको छ । भिसा प्राप्त गरेसँगै नेपाली टोली भोलि त्यसतर्फ प्रस्थान गर्ने नेपाल क्रिकेट संघ क्यानले जनाएकोछ । नेपालमा जेनजी आन्दोलनकै क्रममा हजारौं कैदीहरू जेलबाट निस्किएपछि यूएईले नेपालीहरूलाई भिसा दिन रोकेको थियो । खेलाडीहरूले केही दिन अगाडि भिसाका लागि आवेदन दिएका थिए ।

नियमित प्रक्रियाबाट भिसा नआएपछि क्यानले इमरेट्स क्रिकेट बोर्ड र अन्तर्राष्ट्रिय क्रिकेट परिषद् (आईसीसी) मा समेत पहल गरेको थियो । वेस्ट इन्डिजसँगको श्रृंखलाका लागि क्यानले शारजाह क्रिकेट रंगशाला बुक गरेर टिकट बिक्री गर्न थालिसकेको छ । अस्तिबाट अनलाइनमार्फत टिकट बुकिङ खुला गरिएको हो । नेपालले २७, २९ र ३० सेप्टेम्बरमा तीनवटा टी २० म्याच वेस्ट इन्डिजसँग खेल्नेछ । प्रतियोगिताको सबै खर्च र व्यवस्थापन नेपाल क्रिकेट संघको हुनेछ ।