बीबीसी । अमेरिकी राष्ट्रपति जो बाइडेनले रुसमाथि लामो दुरीको हतियार प्रयोग गर्न युक्रेनलाई अनुमति दिएका छन् । रुसलाई सहयोग गर्न उत्तर कोरियाली सेना त्यहाँ पुगेपछि अमेरिकाले लामो दुरीको हतियार प्रयोग गर्न युक्रेनलाई अनुमति दिएको हो ।

दक्षिणी रुसी क्षेत्र कस्र्कमा अहिले ५० हजार उत्तर कोरियाली सैनिक रहेको अनुमान गरिएको छ । सोही स्थानमा गत वर्ष युक्रेनले प्रत्याक्रमण स्वरूप आक्रमण सुरु गरेको थियो ।

अमेरिकाको यो सन्देश आर्मी टेक्टिकल मिसाइल सिस्टम प्रयोग गर्नका लागि हो । बाइडेनले यो मिसाइल फेब्रुअरी महिनामा तयार पारीसकेका थिए। अप्रिल महिनामा यो युक्रेनलाई हस्तान्तरण गरिएको हो।

जेलेन्सकीले पहिलेदेखि नै युद्धमा एउटा मोमेन्टमकै लागि पनि सो हतियार रुसी भूमिका प्रयोग गर्न अनुमति खोजिरहेका थिए । रुसले आइतबार युक्रेनमाथि ठूलो ड्रोन र क्षेप्यास्त्र आक्रमण गरेको थियो ।

आक्रमणलाई अधिकारीहरूले पछिल्ला महिनाहरूको सबैभन्दा ठूलो भनी वर्णन गरेका छन् । जाडोअघि मस्कोले युक्रेनको विद्युत् उत्पादन क्षमतालाई तहसनहस पार्ने मनसाय राखेको बारे चिन्ता बढिरहेको बेला यो आक्रमण भएको हो ।

राष्ट्रपति भोलोदिमर जेलेन्स्कीका अनुसार रुसले युक्रेनभर ठूलो मात्रामा कूल एक सय २० क्षेप्यास्त्र र ९० ड्रोन प्रक्षेपण गरेको छ । उनले विभिन्न प्रकारका ड्रोनहरू प्रयोग गरिएको र यसमा इरान–निर्मित शाहेदहरूका साथै क्रुज, ब्यालिस्टिक र विमान–प्रक्षेपित ब्यालिस्टिक क्षेप्यास्त्रहरू समावेश रहेको जानकारी दिए ।