काठमाडौं – नेपाल पत्रकार महाससंघ लुम्बिनी प्रदेश समितिले राष्ट्रिय स्वतन्त्र पार्टी (रास्वपा) का नेता पार्थिवेन्द्र उपाध्यायले पत्रकार र सञ्चारमाध्यममाथि दिएको अभिव्यक्तिप्रति ध्यानकर्षण भएको जनाउदै अमर्यादित र प्रेस स्वतन्त्रताविरोधी सो अभिव्यक्ति तत्काल फिर्ता लिन माग गरेको छ ।

आज एक विज्ञप्ति जारी गर्दै महासंघ लुम्बिनी प्रदेश समितिका महासचिव पाण्डवप्रसाद शर्माले रुपन्देही निर्वाचन क्षेत्र नं। ३ मा आगामी कार्तिक १७ गते हुने उपनिर्वाचनमा रास्वपाबाट उम्मेदवारको आकाङ्क्षी रहेका सिद्धार्थनगर–७ निवासी उपाध्यायले पत्रकारिता पेसा र सञ्चारमाध्यमलाई बदनाम गर्ने उद्देश्यले गैरजिम्मेवार टिप्पणी गरेको बताएका छन् । विज्ञप्तिमा उपाध्यायको उक्त अभिव्यक्ति खेदजनक, आधारहीन र लज्जास्पद भएको उल्लेख गर्दै तत्काल फिर्ता लिई सार्वजनिक माफी माग्न माग गरिएको छ ।

केही दिनअघि रास्वपाको केन्द्रीय कार्यालयमा आफ्नो धारणा राख्ने क्रममा उपाध्यायले स्थानीय र अन्य मिडियाको आवश्यकता नभएको, समाचार पढ्दा हाँसो उठ्ने र सम्पूर्ण पत्रकारहरू ५ हजार रुपैयाँमा बिक्री हुने जस्ता तथ्यहीन, अपमानजनक र प्रेस स्वतन्त्रताविरोधी अभिव्यक्ति दिएका थि ए। यस्ता टिप्पणीले पत्रकारिता पेसाको मर्यादा र सञ्चारमाध्यमको विश्वसनीयतामाथि गम्भीर आघात पुर्याएको महासंघको ठहर छ ।