`

संसदमा आज प्रधानमन्त्री ओलीको सम्बोधन, चीन भ्रमणबारे जानकारी गराउने

Nepal One HD १३ भदौ २०८२ ८:५७
राजनीति

काठमाडौं । प्रधानमन्त्री केपी शर्मा ओलीले आज प्रतिनिधि सभामा सम्बोधन गर्ने भएका छन्। दिँउसो १ बजे बस्ने प्रतिनिधिसभाको बैठकमा प्रधानमन्त्री ओलीले सम्बोधन गर्न लागेका हुन् ।

शनिबार चीन भ्रमणमा जान लागेका प्रधानमन्त्रीले भ्रमणका बारेमा सदनमा जानकारी गराउन लागेकाे प्रधानमन्त्रीकाे सचिवालयले जनाएकाे छ ।

विदेश भ्रमणअघि र भ्रमणबाट फर्किएपछि कार्यकारी प्रमुखले संसदलाई जानकारी गराउने अभ्यास छ।

प्रधानमन्त्री ओलीले सम्बोधन गर्ने तय भए पनि रास्वपाले आफ्नो विरोध जारी राख्ने भएको छ। प्रमुख सचेतक सन्तोष परियारले रास्वपाले शुक्रबारको संसद बैठक पनि बहिस्कार गर्ने जानकारी दिए।

प्रधानमन्त्री केपी शर्मा ओलीले बालुवाटारमा पार्टीका नेताहरूसँग राष्ट्रिय सहमति जुटाएर लिपुलेक मामिलामा भारत र चीनसँग प्रष्ट कुरा राख्ने बताएका छन् । ओलीले संसद्को समेत विश्वास समेत लिएर लिपुलेक मामिलामा चिनियाँ राष्ट्रपति सी जिन पिङ र भारतीय मोदीसँग प्रस्ट कुरा राख्ने बताएका हुन् ।


प्रतिक्रिया

Leave a Reply

Your email address will not be published. Required fields are marked *