नेटोका प्रमुख मार्क रुट्टले युद्धविराम भएमा सुरक्षा प्रत्याभूतिका लागि पश्चिमा शक्तिले युक्रेनमा सेना तैनाथ गर्न सक्छन् कि सक्दैनन् भन्ने विषयमा रुससँग भिटो अधिकार नभएको बताउनुभएको छ ।

“युक्रेनमा रहेका सैनिकका बारेमा रुसले के सोच्छ भन्नेमा हामी किन चासो राख्छौँ ? यो सार्वभौम सत्ता सम्पन्न देश हो । उनीहरूले निर्णय गर्ने कुरा होइन”, रुटले भन्नुभयो, “यसमा रुसको कुनै सरोकार छैन ।”

फ्रान्स र बेलायतको नेतृत्वमा रहेको तथा कथित गठबन्धनका नेताहरूले योजनाबद्ध सुरक्षा प्रत्याभूतिमा योगदान पुर्याउन बिहीबार वार्ता गर्दैछन् ।

“यदि युक्रेनले शान्ति सम्झौतालाई समर्थन गर्न युक्रेनमा सुरक्षा सुनिश्चतता बल राख्न चाहन्छ भने यो उनीहरूमा निर्भर गर्दछ । अरू कसैले पनि यसको बारेमा निर्णय गर्न सक्दैन”, रुटले प्रागको भ्रमणका क्रममा भन्नुभयो ।

रुसी राष्ट्रपति भ्लादिमिर पुटिनलाई सङ्केत गर्दै उहाँले भन्नुभयो, “मलाई लाग्छ हामीले पुटिनलाई अति शक्तिशाली बनाउन भूमिका खेल्नुहुँदैन । यसलाई गर्नुपर्छ ।”

रुसले युक्रेनमा सम्भावित शान्ति सम्झौताका लागि कुनै पनि पश्चिमी सेना तैनाथ गर्ने विषयमा कडा विरोध जनाएको छ ।पश्चिमा कूटनीतिज्ञहरूका अनुसार युक्रेनका लागि सम्भावित ‘आश्वस्त पार्ने शक्ति’ बारे छलफल गरिरहेका करिब ३० देशहरूको समूहसँग अब उनीहरूले गर्न सक्ने सैनिकहरूको ठोस सङ्ख्या छ ।

युरोपेली राष्ट्रहरूले आशा गरेका छन् कि टेबलमा स्पष्ट योजना राखेर उनीहरूले अमेरिकी राष्ट्रपति डोनाल्ड ट्रम्पलाई अमेरिकी सैन्य समर्थन प्रदान गर्ने वाचा पूरा गर्न सहमत गराउन सक्छन् ।

अमेरिकी राष्ट्रपति ट्रम्पले युद्ध अन्त्यका लागि दबाब दिइरहनुभएको छ तर क्रेमलिनले पुटिन र युक्रेनका राष्ट्रपति भोलोदिमिर जेलेन्स्कीबीच प्रत्यक्ष वार्ता गर्ने प्रयासलाई रोकेको छ ।