काठमाडौं । निवर्तमान प्रधानमन्त्री तथा एमाले अध्यक्ष केपी शर्मा ओली सत्ता छाडेको ११ दिनपछि आज सार्वजनिक भएका छन् । सैनिक सुरक्षाबाट हिजो निस्किएका ओली भक्तपुरको गुण्डुमा खोजिएको डेरा लिइएको घरमा गएर बसेका थिए ।

जेनजी आन्दोलनबाट सिर्जित विषम परिस्थितिका कारण नेपाली सेनाले शीर्ष नेताहरूलाई आफ्नो सुरक्षामा राखेको थियो । आज बिहान ओली सार्वजनिक भएका हुन् ।

महेश बस्नेतलगायतका नेताहरू अहिले त्यहाँ पुगेका छन् । एमालेले च्यासलमा संविधान दिवसको विशेष कार्यक्रम आयोजना गरेको छ । पार्टी कार्यालयमा पनि आज विहानैदेखि सुरक्षा व्यवस्था कडा बनाइएको छ ।