काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको स्वास्थ्यमा सुधार आएपछि डिस्चार्ज गर्ने तयारी भएको छ ।

त्रिवि शिक्षण अस्पताल महाराजगञ्जका प्रवक्ता तथा डिपुटी निर्देशक डा. गोपालप्रसाद सेडाईंका अनुसार उनलाई बिहीबार नै डिस्चार्ज गर्ने भएको हो ।

उनले लामिछानेको स्वास्थ्य अवस्था सामान्य भएको र साँझसम्ममा डिस्चार्ज गरिने बताएका छन् ।

लामिछाने सेलुलाइटिसबाट संक्रमित थिए । उनी यही ५ माघमा मधेसको राजधानी जनकपुरमा पार्टीको चुनावी सभालाई सम्बोधन गर्न पुगेका थिए ।

त्यसबेला उनको देब्रे खुट्टामा चोट लागेको थियो । निको नभएर छालामा इन्फेक्सन भएपछि उनी अस्पताल भर्ना भएका थिए ।

अस्वस्थ भएपछि उनी चुनावी कार्यक्रमहरूमा जान असमर्थ भएका थिए ।