पाँचथर। युट्युबमार्फत प्रधानमन्त्री बालेन्द्र शाहलगायतका नेताहरूलाई अपमानजनक शब्द प्रयोग गरेको आरोपमा पक्राउ परेका युट्युबर रोशन पोखरेल रिहा भएका छन्।

जिल्ला प्रहरी कार्यालय पाँचथरका प्रमुख अनिश कर्णका अनुसार आवश्यक परेका बेला उपस्थित हुने सर्तमा उनलाई आफन्तको जिम्मा लगाएर छोडिएको हो।

पाँचथरको फाल्गुनन्द गाउँपालिका-७ घर भएका पोखरेल चैत २६ गते पक्राउ परेका थिए। नेपाल प्रहरीको साइबर ब्युरोको अनुसन्धानका आधारमा उनलाई नियन्त्रणमा लिइएको थियो। पक्राउपछि जिल्ला अदालत पाँचथरबाट १० दिनको म्याद थप गरी अनुसन्धान अघि बढाइएको थियो।

उनको पक्राउपछि प्रधानमन्त्री बालेन शाहको सामाजिक सञ्जालमा आलोचना समेत भइरहेको छ। आलोचकहरूले बालेनका पुराना फेसबुक स्टेटस र भिडियोहरू पुनः सेयर गर्दै प्रतिक्रिया जनाइरहेका छन्।