काठमाडौं । नेपाली कांग्रेसले सातै प्रदेशका सभापतिहरू, आफ्ना मुख्यमन्त्रीहरू तथा प्रदेश संसदीय दलका नेताहरूसँग छलफल गर्ने भएको छ। कांग्रेसले आगामी ६ वैशाखमा केन्द्रीय कार्यालय सानेपामा बैठक बोलाउँदै सम्बन्धित सबै पदाधिकारीलाई उपस्थित हुन आह्वान गरेको छ।

बैठकमा गण्डकी प्रदेशमा हालै भएको मन्त्रिपरिवर्तनको विषय प्रमुख एजेन्डा रहने बताइएको छ। गण्डकीका मुख्यमन्त्री सुरेन्द्रराज पाण्डेले केन्द्रसँग परामर्श नगरी मन्त्रीहरूको नयाँ नियुक्ति गरेको भन्दै पार्टीभित्र चासो बढिरहेको छ।

गण्डकीमा कांग्रेस र एमालेबीच ४/४ मन्त्रालयको भागबण्डा मिलाएर उनले बुधबार मन्त्रालय हेरफेर गरेका थिए।