काठमाडौं। नेपाली कांग्रेसले  शुक्रबार संसदीय दलको नेता चयन गर्ने भएको छ।

दलको नेता चयनका लागि निर्वाचन समितिले सबै सांसदलाई छलफलका लागि बोलाएको छ।

निर्वाचन समितिका संयोजक तथा कांग्रेस सहमहामन्त्री प्रकाश स्नेही रसाइलीका अनुसार शुक्रबार दिउँसो ३ बजे सिंहदरबारस्थित दलको कार्यालयमा बैठक बस्नेछ।

प्रतिनिधिसभामा कांग्रेसका ३८ सांसद रहेका छन्। दलको नेताका प्रमुख दाबेदारमा अर्जुननरसिंह केसी र भीष्मराज आङ्देम्बे रहेका छन्। यसबाहेक मोहन आचार्यदेखि निश्कल राईसम्मको चर्चा रहेको छ।

कांग्रेसले सकेसम्म सर्वसम्मत नेतृत्व चयन गर्ने प्रयास गरिरहेको छ। सहमति नभए निर्वाचन प्रक्रियाबाट टुंग्याइने तयारी छ।

आन्तरिक छलफलअनुसार नेताहरूबीच सहमति जुटाउने प्रयास जारी रहेको बताइएको छ।