काठमाडौं।  त्रिभुवन अन्तर्राष्ट्रिय विमानस्थल सुरक्षा कार्यालयको प्रहरीले गाँजाको तेलसहित एक अमेरिकी नागरिकलाई पक्राउ गरेको छ।

२०८३ वैशाख ४ गते दिउँसो करिब १ बजे एयर इन्डियाको उडान नम्बर एआई २१८ मार्फत काठमाडौंबाट दिल्ली जान लागेका अमेरिकी नागरिक ओग्नियन पेट्रोभ पक्राउ परेका हुन्।

उनको झोलाको जाँचका क्रममा १.२५ लिटरका पाँच वटा बोतलमा गाँजाको तेल फेला परेको प्रहरीले जनाएको छ। शंका लागेपछि थप परीक्षण गरिएको थियो।

पक्राउ परेका पेट्रोभलाई बरामद सामग्रीसहित आवश्यक अनुसन्धान तथा कारबाहीका लागि लागू औषध नियन्त्रण ब्युरोको जिम्मा लगाइएको छ। घटनाबारे थप अनुसन्धान भइरहेको प्रहरीले जनाएको छ।