काठमाडौं। प्रोग्रेसिभ फाइनान्सका संस्थापक सेयरधनीले आफ्नो सेयर बिक्रीका लागि खुला गरेका छन्।

वर्तमान संस्थापक सेयरधनीहरूले सेयर खरिद नगरेपछि सो सूचना प्रकाशित गरिएको फाइनान्सले जनाएको छ।

बैंक तथा वित्तीय संस्था सम्बन्धी ऐन, २०७३ तथा नेपाल राष्ट्र बैंकले जारी गरेको निर्देशन र अन्य प्रचलित कानुनी व्यवस्था अनुसार उक्त संस्थापक सेयर खरिद गर्न इच्छुक व्यक्तिहरूलाई आवेदन दिन आग्रह गरिएको छ।

फाइनान्सका अनुसार सूचना प्रकाशित भएको मितिले १५ दिनभित्र आवश्यक मापदण्ड पूरा हुने गरी कागजातसहित कम्पनी सचिवको कार्यालयमा लिखित निवेदन दिनुपर्नेछ।

इच्छुक सर्वसाधारणले तोकिएको समयसीमाभित्र सम्पर्क गर्न आग्रह गरिएको फाइनान्सले जनाएको छ।