काठमाडौं । नेकपा एमालेले संसदमा आफ्ना सांसदहरूको भूमिका थप प्रभावकारी बनाउन ‘इस्यु कलेक्सन सेन्टर’ स्थापना गर्ने भएको छ।

आइतबार पार्टीले आयोजना गरेको सांसदहरूसँगको अन्तर्क्रिया कार्यक्रममा एमाले संसदीय दलकी उपनेता पद्मा अर्यालले पार्टीले इस्यु कलेक्सन सेन्टर निर्माण गर्ने जानकारी दिएकी हुन्।

उनका अनुसार उक्त सेन्टरमार्फत सांसदहरूले संसदमा उठाउनुपर्ने समसामयिक विषय, तथ्य, तथ्यांक र आवश्यक सामग्री व्यवस्थित रूपमा उपलब्ध गराइनेछ। यसबाट सांसदहरूलाई संसदमा बोल्दा तथ्यमा आधारित प्रस्तुति दिन सहज हुने विश्वास पार्टीले लिएको छ।

एमालेले संसदभित्र आफ्नो भूमिका थप प्रभावकारी, तथ्यपरक र संगठित बनाउने उद्देश्यले यस्तो संयन्त्र स्थापना गर्न लागेको जनाएको छ।