काठमाडौं । मकवानपुरको हेटौँडामा चट्याङ लागेर एक युवकको मृत्यु भएको छ । हेटौँडा उपमहानगरपालिका–१५ कमेरोपानीमा चट्याङ लागेर ३७ वर्षीय युवकको मृत्यु भएको प्रहरीले जनाएको छ ।

हेटौँडा–१६ सानो आकाशधारा घर भई हाल बाराको निजगढ नगरपालिका–१३ बस्दै आएका बुद्धबहादुर प्रजाको चट्याङ लागेर मृत्यु भएको हो । स्थानीय धनबहादुर स्याङ्तानले किराना पसलअगाडि अचानक परेको चट्याङ लाग्दा उनको घटनास्थलमा नै मृत्यु भएको प्रहरी उपरीक्षक ढकेन्द्र खतिवडाले जानकारी दिए ।