झापा । झापाको बिर्तामोड नगरपालिका–७ खालबाडीमा खुकुरी प्रहार गरी एक युवकको हत्या भएको छ । मङ्गलवार बिहान खुकुरी र बसिला प्रहार गरी ३६ वर्षीय फूर्वा तामाङको हत्या भएको हो । घटनमा संलग्न रहेको आरोपमा दुई जनालाई प्रहरीले पक्राउ गरेको छ ।

झापा प्रहरीका प्रवक्ता डीएसपी खगेन्द्रबहादुर खड्काका घटना संलग्न बिर्तामोड–७ का २८ वर्षीय प्रेमकुमार राई र ३३ वर्षीय रामकुमार राईलाई पक्राउ गरिएको छ । खड्काले उनीहरूको साथबाट घटनामा प्रयोग गरिएको खुकुरी र बसिला समेत बरामद भएको बताए । तामाङको के कारणले हत्या भयो भने खुलिनसकेको प्रहरीले जनाएको छ ।