काठमाडौँ । सञ्चार मन्त्री जगदीश खरेलले सरकार फागुन २१ मै चुनाव गराउन प्रतिबद्ध रहेको बताएका छन् । नेसनल प्रेस क्लब नेपालले अनामनगरमा आयोजना गरेको ‘सञ्चारमन्त्रीसँग सञ्चारकर्मी’ विषयक अन्तरक्रिया कार्यक्रममा बोल्दै मन्त्री खरेलले यस्तो बताएका हुन् ।

मन्त्री खरेलले चुनावको लागि सबै राजनैतिक दलहरु तयार रहेको पनि स्पष्ट पारे । ‘हामीले राजनैतिक दलका पार्टीहरुका कार्यालयमै गएर उहाहरुसँग कुराकानी गरेका छौ । उहाँहरु तयार हुनुहुन्छ ’, उनले भने, `चुनावका लागि तीनवटै सुरक्षा निकायले पनि तिव्र गतिमा काम गरिरहेका छन्।´

कार्यक्रममा सरकारको १०० दिनको समिक्षा, सामाजिक संजाल नियमन कि नियन्त्रण, चुनावको तयारी र सञ्चार माध्यमको भूमिका, नेपाल सञ्चार क्षेत्रका चुनौती र अवसर लगायतका विविध विषयमा अन्तर्क्रियाको थियो ।