दमक। नेकपा एमालेले प्रतिनिधिसभा निर्वाचन परिचालन कमिटी अन्तर्गत दमक नगरपालिकाका १० वटै वडामा वडा स्तरीय कार्यालय आजदेखि सञ्चालन सुरु गरिएको छ ।

अब पार्टीका हरेक कार्यकर्ता मतदाताका घर घर जाने र एमालेमा मतदान गर्न सम्झाउने एमालेले जनाएको छ । यस अघि नै एमालेले भेला समेत आयोजना गरेर मतदातालाई पार्टी अध्यक्ष एवं झापा ५ का उम्मेद्वार केपी शर्मा ओलीलाई मतदान गर्न प्रचार सुरु गरिसकेको निर्वाचन परिचालन कमिटीका संयोजक देवेन्द्र दाहालले जानकारी दिए ।

झापाको दमक नगरपालिकाका भित्र रहेका सबै वडामा निर्वाचन सम्बन्धी सम्पूर्ण गतिबिधि अघि बढाइने एमाले प्रतिनिधिसभा निर्वाचन परिचालन कमिटी संयोजक देवेन्द्र दाहालले जानकारी दिए । सबै वडामा कार्यालय स्थापना गरिएको र आजदेखि औपचारिक रुपमा सञ्चालन सुरु गरिएको हो ।
पार्टीका वडा कमिटी संयोजक सहित प्रत्येक वडा अन्तर्गत भूगोलमा रहनुहुने पार्टी केन्द्रिय कमिटीका पदाधिकारी, सदस्य, त्यस्तै प्रदेश कमिटी पदाधिकारी तथा सदस्य, जिल्ला र नगर कमिटी समेतका पदाधिकारी तथा सदस्यहरु रहने गरि जिम्मेवारी तोकिएको छ ।

यसैगरी सम्बन्धित वडामा रहने जनसंगठनका सबै पदाधिकारी तथा सदस्यहरु, अगुवा पार्टीका कार्यकर्ता बिज्ञ समेत रहेर कार्यालयमा दैनिक योजना तर्जुमा गरिने छ । कार्यालय मार्फत दैनिक पार्टीका कार्यक्रम घरदैलो वडा अन्तर्गत रहेका टोल कमिटीलाई समेत सहजिकरण गरिने छ । यस अघि वडा स्तरमा कम्तिमा १५१ सदस्यीय बढीमा ५०१ सदस्यीय निर्वाचन परिचालन समेत गठन गरिएको छ । वडा स्थापना गरिएका कार्यालय अन्तर्गत योजना तर्जुमा तयार गर्ने, त्यस क्षेत्रमा हुने पार्टीका सम्पूर्ण गतिविधिको व्यवस्थापन हुने जनाइएको छ ।