काठमाडौं । धनुषा–१ को निर्वाचन विवादवारे सर्वोच्च अदालतले आगामी आफ्नो प्रारम्भिक दृष्टिकोण दिने भएको छ ।

निर्वाचनकाे दुई दिनअघि १९ फागुनमा रास्वपा उम्मेदवारकाे उम्मेदवारी खारेज भएकाे थियाे । ती उम्मेदवार कर्जा सूचना केन्द्रकाे कालाेसूचीमा परेकाे पाइएपछि आयाेगले उम्मेदवारी खारेज गरेकाे थियाे । तर, रास्वपाकाे घण्टी चिह्नमा अत्यधिक मत परेपछि त्यहाँकाे अन्तिम मत परिणाम सार्वजनिक गर्न निर्वाचन आयाेगले आनाकानी गरेकाे छ ।नेपाली कम्युनिस्ट पार्टीले भने आफ्ना उम्मेदवार मातृकाप्रसाद यादव विजयी भएकाे भन्दै उनलाई आयाेगले निर्वाचित भएकाे प्रमाणपत्र नदिएकाे भन्दै आयाेगकाे ध्यानाकर्षण गराएकाे छ ।

यहीबीच सर्वाेच्च अदालतमा किशोरी साह कमलले रिट दायर गरे । रिटमाथि आगामी शुक्रबार सुनुवाइ गर्ने आदेश  भएकाे छ ।

दुवै पक्षको छलफलपछि मात्रै अन्तरिम आदेश जारी हुने वा नहुने तय गर्नु उपयुक्त हुने भन्दै सर्वोच्च अदालतले आगामी शुक्रबार दुवै पक्षलाई छलफलका लागि डाकेको छ ।

र, त्यो दिन निर्वाचन आयोगले समेत साहको उम्मेदवारी खारेज गर्नुको निर्णय सम्बन्धित फाइल पेस गर्नुपर्नेछ । सर्वोच्च अदालतले त्यही दिन अन्तरिम आदेश जारी हुने वा नहुनेबारे छलफल र आदेश समेत हुने संकेत गरेको छ ।