काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले प्रतिनिधिसभा सदस्यका रुपमा प्रवेश पाउँछन् कि पाउँदैनन् भन्‍ने बहस चर्किएकाे छ ।

वरिष्ठ अधिवक्ता दिनेश त्रिपाठीले भने लामिछानेविरुद्धकाे सम्पत्ति शुद्धीकरण मुद्दा विचाराधीन हुनाले उनकाे सांसद पद निलम्बनमा पर्ने भन्दै प्रतिनिधिसभा सदस्यका रुपमा प्रवेश नपाउने बताए ।

नेपालवान एचडीसँग सम्वाद गर्दै उनले कार्यवाहक प्रमुख निर्वाचन आयुक्त रामप्रसाद भण्डारीसँग कानुनी ज्ञान शून्य रहेकाे टिप्पणी पनि गरे । भण्डारीले लामिछानेलाई संसद प्रवेशमा कुनै अड्चन नरहेकाे बताएका थिए ।

लामिछानेविरुद्ध काठमाडौं, कास्की, रुपन्देही र पर्सा जिल्ला अदालतमा सहकारी ठगी, सङ्‍गठित अपराधसँगै सम्पत्ति शुद्धीकरणकाे मुद्दा विचाराधीन छ ।

यसबीच उनी हालै भएकाे प्रतिनिधिसभा निर्वाचनमा चितवन-२ बाट विजयी भएका हुन् ।