काठमाडौं। नेपाल स्टक एक्सचेञ्ज (नेप्से) मा यो साता ७ करोड ७५ लाख ४७ हजार ४३.९ कित्ता सेयर सूचीकृत भएका छन्। आइतबारदेखि शुक्रबारसम्म विभिन्न कम्पनीका सेयर सूचीकृत भएका हुन्।

आइतबार नबिल बैंक को ८ प्रतिशत अविमोच्य असञ्चिति अग्राधिकार सेयरअन्तर्गत ५ करोड कित्ता सेयर सूचीकृत भएको थियो।

सोमबार प्रभु महालक्ष्मी लाइफ इन्स्योरेन्स को ४ प्रतिशत बोनस सेयरबापत २० लाख ४१ हजार ४५९.२ कित्ता, विन्ध्यवासिनी हाइड्रोपावर डेभलपमेन्ट कम्पनी को ५ लाख ६४ हजार ९०० कित्ता, एनएलजी इन्स्योरेन्स कम्पनी को ४ प्रतिशत बोनसबापत १० लाख २६ हजार ८९.७८ कित्ता र युनिभर्सल पावर कम्पनी को ९ प्रतिशत बोनसबापत २० लाख ५१ हजार ९३६.९३२ कित्ता सेयर सूचीकृत भएका थिए।

त्यसैगरी मंगलबार समता घरेलु लघुवित्त वित्तीय संस्था को ५ प्रतिशत बोनसबापत ३ लाख १४ हजार ५२५.७८२३ कित्ता, सांग्रिला डेभलपमेन्ट बैंक को ५ प्रतिशत बोनसबापत १७ लाख ७८ हजार १२७.८६ कित्ता, प्राइम कमर्सियल बैंक को ८ प्रतिशत बोनसबापत १ करोड ५५ लाख २२ हजार ६०.५७ कित्ता, महुली लघुवित्त वित्तीय संस्था को ४.७५ प्रतिशत बोनसबापत १ लाख ७५ हजार ७१३.६६ कित्ता, महालक्ष्मी विकास बैंक को ५ प्रतिशत बोनसबापत २१ लाख ४८ हजार २२९.०७९० कित्ता र अरुण भ्याली हाइड्रोपावर डेभलपमेन्ट कम्पनी को ५ प्रतिशत बोनसबापत १९ लाख २४ हजार १ कित्ता सेयर सूचीकृत भएका हुन्।

नेप्सेमा सूचीकृत हुने क्रमसँगै बजारमा सेयर आपूर्ति बढ्ने र लगानीकर्ताका लागि कारोबारको दायरा अझ विस्तार हुने अपेक्षा गरिएको छ।