काठमाडौं । बुधबार सुनको भाउ प्रतितोला ७ हजार २ सय रुपैयाँले वृद्धि भएको छ । अमेरिका, इजरायल र इरानबीच युद्ध अन्त्यका लागि पहल भइरहेका बेला कच्चा तेलको मूल्य घटेपछि अन्तर्राष्ट्रिय बजारमा सुनको मूल्य उकालो लागेको हो ।

नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ९९ हजार रुपैयाँ कायम गरिएको छ । अघिल्लो दिन भने सुन २ लाख ९१ हजार ८ सय रुपैयाँमा कारोबार भएको थियो ।

यसअघि गत बुधबार सुनको मूल्य प्रतितोला २ लाख ९७ हजार ६ सय रुपैयाँ रहेको थियो । आज चाँदीको भाउ पनि बढेको छ । अघिल्लो दिनको तुलनामा चाँदी प्रतितोला २०५ रुपैयाँले वृद्धि भई ५ हजार २५ रुपैयाँ पुगेको छ । हिजो चाँदी ४ हजार ८२० रुपैयाँमा कारोबार भएको थियो भने गत बुधबार ४ हजार ९४५ रुपैयाँ कायम रहेको थियो ।