काठमाडौं । बिहीबार सेयर बजारका सबै प्रमुख सूचक घटेका छन्। यस दिन नेप्से परिसूचक अघिल्लो दिनको तुलनामा ३३.८३ अंक (१.१८ प्रतिशत) ले घटेर २८३३ अंकमा कायम भएको छ। अघिल्लो कारोबार दिन भने नेप्से ३३.२७ अंकले बढेको थियो।

कारोबार रकम पनि घटेको छ। अघिल्लो दिन १० अर्ब ५३ करोड रुपैयाँको कारोबार भएकोमा आज ९ अर्ब ३१ करोड रुपैयाँमा सीमित भयो। कुल ३१ कम्पनीको मूल्य बढ्दा २३६ कम्पनीको मूल्य घट्यो भने ३ कम्पनी स्थिर रहे।

सबै समूहका सूचकहरू पनि घटेका छन्। सबैभन्दा धेरै गिरावट फाइनान्स समूहमा देखियो, जुन १.९८ प्रतिशतले घट्यो।

अन्य समूहहरूमा बैंकिङ ०.८० प्रतिशत, विकास बैंक १.१५ प्रतिशत, होटल तथा पर्यटन ०.५० प्रतिशत, हाइड्रोपावर १.५१ प्रतिशत, लगानी १.२७ प्रतिशत, जीवन बीमा ०.९० प्रतिशत, उत्पादन तथा प्रशोधन १.५४ प्रतिशत, माइक्रोफाइनान्स ०.७१ प्रतिशत, निर्जीवन बीमा १.२८ प्रतिशत, अन्य १.९० प्रतिशत तथा व्यापार १.०१ प्रतिशतले घटेका छन्।

यस दिन पाँच कम्पनीको सेयर मूल्य १० प्रतिशतले बढेको छ। ती कम्पनीहरूमा पाल्पा सिमेन्ट, होटल फरेस्ट इन, रिजलाइन इनर्जी, सूर्यकुण्ड हाइड्रो इलेक्ट्रिक र शिखर पावर रहेका छन्।

सबैभन्दा धेरै घट्नेमा सिन्धु विकास बैंक ९.४७ प्रतिशतले रहेको छ। त्यस्तै भूगोल इनर्जी ७.७९ प्रतिशत, भुजुङ हाइड्रोपावर ७.३९ प्रतिशत र क्रेस्ट माइक्रोलाइफ इन्स्योरेन्स ४.६५ प्रतिशतले घटेका छन्।

सबैभन्दा धेरै कारोबार भएका कम्पनीहरूमा रिलायन्स स्पिनिङ मिल्स, नेसनल हाइड्रोपावर, एसवाई प्यानल, सोलु हाइड्रोपावर र रिडी पावर रहेका छन्।