काठमाडौं । गुफाभित्र देवीदेवताहरू देखाएपछि एक किशोरीलाई बलात्कार गरेको घटना एक महिनापछि बाहिरिएको छ ।

घटना रोल्पाको हो । गत वर्षको १० चैतमा परीक्षा दिएर घर फर्किँदै गरेकी ती किशोरीलाई एक किशोरले शिव गुफा घुम्न जाउँ भनेको र आफूले नमान्दा नमान्दै कर गरेर गुफामा लगेको बताएकी छन् ।

त्यसपछि त्यहाँ जाँदा गुफाभित्रका देवीदेउवताहरू देखाएको र केहीबेरमा डर त्रास देखाई बलात्कार गरेको भनेकी छन् ।

आफूले प्रतिकार गर्दै हारगुहार गरे पनि आरोपीले नसुनी बलातकार गरेको र घटनापछि कसैलाई जानकारी गराएमा मार्ने धम्की दिएको ती किशोरीको जाहेरीमा उल्लेख गरेकी छन् ।

ती किशोरले भने बलात्कार गरेको आरोप इन्कार गरेका छन् । उनले स्तन मात्रै चलाइदिएको प्रहरीसमक्ष बयान दिएका छन् ।

तर, उनीविरुद्ध प्रहरी प्रतिवेदनका आधारमा सरकारी वकिल कार्यालय रोल्पाले जिल्ला अदालतमा बुधबार बलात्कारसम्बन्धी मुद्दाको आरोपपत्र दायर गरेको छ ।