काठमाडौं । सामान्य विवाद हुँदा ढुंगाले हानेर पाँचथरमा एक जनाको हत्या भएको छ ।

जिल्लाको हिलिहाङ गाउँपालिका वडा नम्बर–६ भारपाका ५२ वर्षीय धनप्रसाद यवाको हत्या भएको हो ।

हत्या आरोपमा सोही गाउँपालिकाको वडा नम्बर–७ भारपाकै ५४ वर्षीय हरिचन्द्र यक्पाहाङ्देनलाई प्रहरीले बुधबार नियन्त्रणमा लिएको छ ।

जिल्ला प्रहरी प्रमुख डीएसपी अनिशकुमार कर्णले यक्पाहाङ्देनलाई नियन्त्रणमा लिएर अनुसन्धान थालिएको बताए ।

‘सामान्य विवाद हुँदा ढुंगाले हानेर मारेको भन्ने छ र थप अनुसन्धान गरिरहेका छौँ,’ उनले भने ।

यक्पाहाङदेनलाई बिहीबार अदालतमा पेस गरेर म्याद थप अनुमति लिने तयारी प्रहरीको छ ।