पाँचथर । जय नेपाल पार्टीले स्थानीय तहमा संगठन विस्तार सुरु गरेको छ। संगठन विस्तार अभियानअन्तर्गत पार्टीले पाँचथरको कुम्मायक गाउँपालिकामा गाउँ कार्यसमिति र वडा कार्यसमिति गठन गरेको हो।

पार्टीका वरिष्ठ सदस्य प्रवीण भण्डारीको अध्यक्षता तथा केन्द्रीय सदस्य एवं सचिवालय प्रमुख सगुन सुन्दर लावतीको उपस्थितिमा सोमबार बसेको भेलाले चन्द्रबहादुर लावतीको सभापतित्वमा २१ सदस्यीय कुम्मायक गाउँ कार्यसमिति गठन गरेको छ।

नवनिर्वाचित कार्यसमितिको उपसभापतिमा ऋतुवर्ण सम्बाहाम्फे र देशपाल लावती चयन भएका छन् भने सचिवको जिम्मेवारी रामकुमार लावतीलाई दिइएको छ।

यसैगरी कुम्मायक गाउँपालिका-१ मा श्यामलाल चाम्लिङको सभापतित्वमा १५ सदस्यीय वडा कार्यसमिति गठन गरिएको छ। कुम्मायक गाउँपालिकाका बाँकी वडा तथा टोलमा समेत संगठन विस्तारका लागि समिति गठन गरी जिम्मेवारी तोकिएको गाउँ कार्यसमितिका सचिव रामकुमार लावतीले लावतीले जानकारी दिए।