काठमाडौं । संविधानसभा सदस्य एवम् पूर्वमन्त्री जितेन्द्र देवले नेकपा एमाले परित्याग गरेका छन् । उनले आज एक विज्ञप्ति जारी गरी एमाले परित्याग गरेको जानकारी दिएका हुन् ।

सप्तरीका देव लामो समय एमालेको राजनीतिमा थिए । तर पछि एमाले छाडेर उनी विजयकुमार गच्छदार नेतृत्वको मधेशी जनअधिकार फोरम लोकतान्त्रिकमा प्रवेश गरी संविधानसभा सदस्य भए ।

मधेशी जनअधिकार फोरम लोकतान्त्रिक कांग्रेसमा विलय भएपछि उनी पनि कांग्रेसमै बसे । उनी कांग्रेसबाट राष्ट्रियसभा सदस्य समेत भएका थिए । तर २० फागुन २०८० मा राष्ट्रियसभा सदस्यको कार्यकाल सकिएपछि उनी १७ असार २०८१ मा एमालेमै फर्किएका थिए ।