काठमाडौं । नेकपा एमालेले प्रतिनिधिसभा निर्वाचन सार्ने हल्ला फैलिएकाे भन्दै आपत्ति जनाएकाे छ ।

पार्टीकाे निर्वाचन विभाग प्रमुख मीनबहादुर शाहीले एमालेकाे लाेकप्रियता बढिरहेकाे बेला निर्वाचन  सार्ने हल्ला फैलाइएकाे भन्दै असहमति रहेकाे बताए । उनले यही २१ फागुनमै निर्वाचन हुनुपर्ने अडान राखे । निर्वाचन सार्ने हल्लालाई पनि उनले श‌ँकाकाे दृष्टिले हेरेका छन् ।

‘समाजमा निर्वाचन सार्ने अनेक हल्ला चलेकाेप्रति एमालेकाे ध्यान केन्द्रित भएकाे छ, एमाले कुनै पनि बहानामा चुनाव सार्ने हाेइन, घाेषित समय फागुन २१ गतेमै हुनुपर्छ भन्नेमा दृढ अडान राख्दछ । तपाईहरुले सुनिरहनुभएकाे छ, केही समयदेखि निर्वाचन सार्ने, कुन काेणबाट कुन राजनीतिक उद्देश्यका साथ के हिसाबले निर्वाचन सार्ने हल्ला फैलाइँदै छ, यसप्रति एमालेले गम्भीर चासाे राखेकाे छ,’ उनले मङ्‍गलबार पत्रकार सम्मेलन गर्दै भने, ‘हामी भन्न चाहन्छाैँ कि मुलुक निर्वाचनमा हाेमिएकाे बेला,  नेकपा एमालेकाे लाेकप्रियता बढिरहेकाे बेला, विगतकाे भन्दा हाम्राे अवस्था राम्राे भएकाे बेला निर्वाचन सार्ने हल्लाप्रति हाम्राे आपत्ति छ ।’

उनले अब ‘भाेट फर चेन्ज’ नभई ‘भाेट फर नेशन’ हुनुपर्ने बताए ।