काठमाडौं । अर्थमन्त्री रामेश्वर खनालले आफूसँग रहेको कूटनीतिक राहदानी (रातो पासपोर्ट) परराष्ट्र मन्त्रालयको राहदानी विभागमा फिर्ता बुझाएका छन्।

मन्त्री खनालले सामाजिक सञ्जाल फेसबुकमार्फत यो जानकारी सार्वजनिक गरेका हुन्। अर्थमन्त्रीको पदमा रहँदा प्राप्त उक्त कूटनीतिक राहदानीको प्रयोजन सकिएपछि आफूले त्यसलाई सम्बन्धित विभागमा फिर्ता गरेको उनले स्पष्ट पारेका छन्।

फेसबुकमा उनले लेखेका छन्, ‘मलाई अर्थमन्त्रीको हैसियतमा प्रयोग गर्न उपलब्ध गराइएको कूटनीतिक राहदानी नं डीए०००२७१० को प्रयोजन समाप्त भएकोले परराष्ट्र मन्त्रालयको राहदानी विभागमा फिर्ता बुझाइदिनु राहदानी यसै साथ संलग्न राखी अनुरोध गरेको छु ।’

यसका साथै उनले अर्थ मन्त्रालयको प्रशासन महाशाखालाई पनि सोही कूटनीतिक राहदानी फिर्ता भएको विषयमा जानकारी गराएका छन्।