काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको हिरासत म्याद थपका लागि तेस्रोपटक अदालतमा सुनुवाइ भइरहेको छ।

लेखकलाई काठमाडौं जिल्ला अदालतमा उपस्थित गराइएको छ भने टिचिङ अस्पतालमा उपचाररत ओलीलाई भर्चुअल माध्यमबाट पेश गरिएको जिल्ला प्रहरी परिसर काठमाडौंका प्रवक्ता एसपी पवनकुमार भट्टराईले जानकारी दिएका छन्।

गत शनिबार बिहान पक्राउ परेका दुवैजनामाथि अनुसन्धानका लागि यसअघि ५ दिन र २ दिन गरी कुल ७ दिनको म्याद थप भइसकेको छ।