काठमाडौं। प्रतिनिधिसभाको सोमबारको बैठकमा पनि विपक्षी दलहरूले अवरोध कायमै राखेका छन् । विपक्षी दलको अवरोधपछि बैठक १५ मिनेटका लागि स्थगित गरिएको छ ।

सोमबारको बैठक सुरु भएलगत्तै विपक्षी दलका सांसदहरूले उठेर विरोध जनाएका थिए ।

त्यसपछि सभामुख डीपी अर्यालले नेकपा एमालेकी संसदीय दलकी उपनेता पद्मा अर्याललाई बोल्न समय दिएका थिए ।

सांसद अर्यालले प्रधानमन्त्रीले कूटनीतिक मर्यादा र पदीय जिम्मेवारी उल्लंघन गर्दै अभिव्यक्ति दिएको भन्दै क्षमायाचना गर्नुपर्ने बताइन्।