काठमाडौं । साताको दोस्रो कारोबार दिन नेपाल स्टक एक्सचेञ्ज (नेप्से) परिसूचक २६.२९ अङ्कले घटेर २,६२७.११ विन्दुमा झरेको छ।

नेपाल स्टक एक्सचेञ्जका अनुसार ठूला कम्पनीहरूको कारोबार मापन गर्ने सेन्सेटिभ परिसूचक पनि ३.५३ अङ्कले घट्दै ४५६.२७ विन्दुमा पुगेको छ।

आज ३५६ कम्पनीका ७५ लाख ४० हजार ४१८ कित्ता शेयर किनबेच हुँदा कुल ३ अर्ब ५५ करोड ७९ लाख ८१ हजार ४९८ रुपैयाँ बराबरको कारोबार भएको छ।

कारोबार रकमका आधारमा नेपाल इन्भेस्टमेन्ट बैंक ऋणपत्र–२०८४, सेन्ट्रल फाइनान्स, एनआरएन इन्फास्ट्रक्चर एण्ड डेभलपमेन्ट, आँखु खोला जलविद्युत् कम्पनी र ग्लोबल आइएमई बैंक डिबेञ्चर शीर्ष पाँचमा परेका छन्।

त्यस्तै, स्नो रिभर लिमिटेड, सानिगाड हाइड्रो, कालङ्गा हाइड्रो, कर्पोरेट डेभलपमेन्ट बैंक र एसबिएल डिबेञ्चरका लगानीकर्ताले सर्वाधिक नाफा कमाएका छन्।

यता, थ्री स्टार हाइड्रोपावर, नेपाल फाइनान्स, खानीखोला हाइड्रोपावर, एनआइबिएल स्टेबल फन्ड र उपकार लघुवित्तका लगानीकर्ताले सबैभन्दा बढी घाटा व्यहोरेका छन्।