काठमाडौं । नक्कली भुटानी शरणार्थी प्रकरणमा दोषी ठहर भएका पूर्वगृहमन्त्री बालकृष्ण खाणलाई जिल्ला अदालत काठमाडौंले २ वर्ष कैद र २० हजार रुपैयाँ जरिबानाको सजाय सुनाएको छ।

न्यायाधीश तेजबहादुर खड्काको इजलासले मंगलबार सजाय निर्धारण गर्दै खाणलाई विभिन्न कसुरमा छुट्टाछुट्टै सजाय तोकेको हो।

अदालतले ठगी कसुरमा १ वर्ष कैद र १० हजार रुपैयाँ जरिबाना, संगठित अपराधमा १ वर्ष ६ महिना कैद र १५ हजार रुपैयाँ जरिबाना तथा राज्यविरुद्धको कसुरमा ६ महिना कैद र ५ हजार रुपैयाँ जरिबाना तोकेको छ। सोही कसुरअन्तर्गत थप ३ महिना कैदसमेत निर्धारण गरिएको छ।

नक्कली भुटानी शरणार्थी बनाएर नेपाली नागरिकलाई अमेरिका पठाइदिने प्रलोभन देखाई ठगी गरिएको बहुचर्चित प्रकरणमा सजाय निर्धारणका लागि मंगलबार भएको सुनुवाइपछि अदालतले फैसला सुनाएको हो।