बीबीसी । दक्षिण कोरियाका राष्ट्रपति युन सुक–योलविरुद्ध महाभियोग प्रस्ताव पेस गरिएको छ । विपक्षी सांसदहरूले उनलाई महाभियोग लगाउने प्रस्ताव संसदमा बुधबार पेस गरेका हुन् ।

मंगलबार राति सैनिक कानुन लगाउने युनको प्रयास असफल भएको थियो । त्यसपछि विपक्षी सांसदहरूले उनलाई महाभियोग प्रस्ताव पेस गरेका हुन् ।

दक्षिण कोरियाका सामाजिक अभियन्ताले राष्ट्रपति युनको राजीनामाको माग गर्दै देशभर केही दिनसम्म प्रदर्शन गर्ने तयारी पनि गरिरहेका छन् ।

यसैबीच, दक्षिण कोरियाको मुख्य श्रमिक संघले अनिश्चितकालीन हड्ताल सुरु गरेको छ । मंगलबार साँझ युनले देशमा मार्सल लको घोषणा गरेका थिए । राष्ट्रविरोधी तत्त्वलाई हटाउन यो कदम चालिएको उनले बताएका थिए । तर, बुधबार बिहान उनले सैनिक कानु लगाउने आदेश फिर्ता लिएका थिए ।