काठमाडौं । नेपाली कांग्रेस छाडेर नयाँ पार्टी गठन गर्नुपर्ने बहस कांग्रेसका निवर्तमान सभापति शेरबहादुर देउवापक्षमा उठेको छ ।

यो पक्षको नेता पूर्णबहादुर खड्का हुन् । उनको अध्यक्षतामा आइतबार धुम्बराहीस्थित एक होटलमा बसेको बैठकमा नेताहरू वीरबहादुर बलायर, शिवप्रसाद हुमागाईं, कुन्दनराज काफ्ले र गुरु बराल नयाँ पार्टी गठन गरेर जानुपर्ने पक्षमा उभिएका हुन् ।

सम्मानजनक पार्टीमा जिम्मेवारी नपाइने हो भने अलग हुने विकल्प उनीहरूले प्रस्तुत गरेका हुन् ।

शुक्रबार सर्वोच्च अदालतले गगनकुमार थापा नेतृत्वको कांग्रेसलाई आधिकारिता दिनू भन्दै आदेश दिएको थियो । यसपछि शनिबार र आइतबार देउवापक्षको बैठक बसेको हो ।

बैठकमा नयाँ दल गठन गरेर जाने विषय पनि उठेपछि यसले कांग्रेस एकताबद्ध नहुने जोखिम बढेको छ ।