प्रेमीका नेहासँग गायक केदारले अष्ट्रेलियामा नै गरे विबाह
काठमाडौँ। गायक केदार बरुवाल क्षत्रीले नेहा केसीसँग लगनगाँठो कसेका छन् । १ दशकदेखि अष्ट्रेलियामा रहँदै आएका गायक बरुवालले प्रेमीका नेहासँग हिन्दु परम्परा अनुसार विबाह गरेका हुन् । नेहा एसिस्टेन नर्सका रुपमा कार्यरत छिन् । एक मल्टिनेशनल कम्पनीमा म्यानेजरको रुपमा कार्यरत गायक बरुवालले मार्च ४ तारिखमा मेहेन्दी, ५ तारिखमा विबाह र ६ तारिखमा रिसेप्सन पार्टी दिएका थिए ।
अष्ट्रेलियामा रहेका आफन्त र साथिभाईहरु जन्ती नै गएर धुमधामसँगै गायक बरुवालले विबाह सम्पन्न गरेका हुन् । गायक बरुवालले हालै मात्र गाजलु बोलको गीतको भिडियो बजारमा ल्याएका थिए । उनका यसअघि जब तिमी, कति थियो सपना, एक पल तिमी नहुँदा, मन छोडी, एक तर्फी, (तिमीलाई चाहेर मेल भर्सन), आँखैमा गाजल , तिमी मेरी रानी, लगायतका गीत बजारमा ल्याइसकेका छन् ।
